Target sang Pinay Tennis Star nga si Alex Eala nga mag madinalag-on sa third round sang isa ka clay tournament subong nga tuig sa iya pag-atubang batok kay Wang Xinyu sang China sa Round of 64 sang Italian Open sa Rome.
Nakuha ni Eala ang puwesto sa second round matapos lutuson si Magdalena Fręch sang Poland, sa iskor nga 6-0, 3-6, 6-4.
Suno sa Filipina tennis star, dako nga hangkat para sa iya ang clay surface apang mas kumpiyansa na siya sa karon kumpara sang nagligad nga tuig.
Dugang man nga motibasyon para kay Eala ang ang liwat nga makaatubang si Wang, nga naglutos sa iya sa semifinals sang ASB Classic sa New Zealand sang Enero.
Antes ang torneo sa Rome, temprano nga nagtakop ang kampanya ni Eala sa pila ka clay events sa Austria, Germany, kag Spain samtang nagapreparar para sa sa nagahilapit nga French Open.
