Hugot nga gindumilian sang mga biktima sang drug war ang “Request for Leave to Appeal” ukon hingyo para sa pahanugot nga mag-apela ang kampo ni anay Presidente Rodrigo Duterte sa confirmed charges batok sa iya.
Ginpanindugan sang common legal representatives of the victims (CLRV) nga napaslawan ang depensa nga matumod ang bisan ano nga isyu angot sa kinahangalan sa idalom sang probisyon sang Rome Statute.
Ginpahayag sang mga representante sang mga biktima nga ang nasambit nga depensa ang ginsulit lang ang mga argumento nga nadesisyuna na kag gindumilian na sang Pre-Trial Chamber I.
Gindugang pa nila nga ini nagapakita lang sang indi pagsunod sang depensa sa rason kag pag-usisa sang Chamber sa mga ebidensya.
Nagpanindugan ang mga pamilya sang biktima nga dapat ipdayon ang kaso batok kay Duterte kaangot sa mga crimes against humanity nga nagluntad sa Pilipinas.
Ginpirmahan ang nasambit nga dokumento nanday Atty. Gilbert Andres, Atty. Joel Butuyan kag Principal Counsel sang Office of Public Counsel for Victims (OPCV) Paolina Massidda.
Madumduman nga sang Abril 29 sang naghingyo sang pahanugot ang legal team sang anay presidente halin sa ICC nga magsubmiter sang apela kaangot sa desisyon sang Pre-Trial Chamber I nga nagakumpirma sang mga kaso batok kay FPRRD.
