Magapatuman ang gobyerno sang P50 kada kilo nga price cap sa imported nga bugas, suno kay President Ferdinand Marcos Jr.
Ini nga tikang ipatuman agud mabuligan ang publiko nga makasugakod sa pagsaka sang presyo sang langis tungod sa tensyon sa Middle East.
Suno sa Presidente, maluwas sa price cap, may yara pa sang iban nga mga hakbang ang gobyerno para mapahagan-hagan ang epekto sang taas nga presyo sang gasolina kag diesel.
Dugang pa niya, masobra 4 ka milyon nga mangunguma kag mangingisda ang makabaton sang P2,325 kada isa halin sa gobyerno, sugod sa bulan nga ini.
May yara man sang fuel subsidy para sa 40,000 ka mangunguma, samtang ang mga mangingisda naman makabaton sang halos 100,000 ka fuel cards kag vouchers, nga magabulig sa ila mga gasto sa krudo.
