Nakitaan sang House Committee on Justice nga sufficient in substance ang duha ka verified impeachment complaints batuk kay Vice-President Sara Duterte agud magsugod ang proseso sang impeachment sa Kamara.
Sa boto nga 54 ang pabor, isa ka nagpamatuk kag wala sang abstention para sa ikatlo kag ikaapat nga reklamo.
Ang ikatlo nga rekjlamo nga gin-file sang mga pari, madre kag abogado kag gin-endorso ni ML Partylist Rep. Leila De Lima ang may kaangtanan sa ginapahayag sala nga paggamit sang ₱612 million nga confidential funds kag iban pa nga isyu sang siya pa sadto ang tiglikom sang Department of Education.
Samtang ang ikaapat nga reklamo nga gin-file sang abogado nga si Nathaniel Cabrera ang nagatumod naman sa ginapahayag indi pagdeklarar sang pila ka mga propedad kag “unexplianed wealth.”
Matapos ang binotohay, nag-file sang mosyon si San Juan Representative Ysabel Maria Zamora nga padal-an sang notisya ang Bise-Presidente agud magsumiter sang sabat sa sulod sang 10 kam adlaw nga indi mahimo palawigon santu sa pagsulundan sang Kamara.
Kon nakasumiter na sang Sabat ang Bise-presidente, pagahibaluon sang komite kon may probable cause agud ipasaka ang articles of impeachment sa Plenaryo.
