Nagpahayag sang pagkabalaka si Sen. Robin Padilla bahin sa preparasyoon sang gobyerno sa pagbakwit sang mga Overseas Pilipino Workers sa tunga sang nagapadayon nga tensyon sa Middle East, kasunod sang mga ginpatigayon nga airstrikes sang US kag Israel batok sa Iran.
Ginkwestyon ni Padilla ang gobyerno kun napreparahan na ang kaluwasan kag posible nga evacuation sang mga Overseas Filipino Workers (OFWs), ilabi na bangud ang US kag Israel nagpreparar sang pila ka semana antes ilunsyar ang pag-atake.
Madumduman nga ginlunsyar ang pag-atake agud paluyahon ang nuclear capabilities sang Iran, samtang nagsabat naman ang Tehran paagi sa drone kag missile strikes batok sa Israel kag mga target sang US sa Bahrain, Kuwait, kag Qatar.
Nauna na ginpasiguro ni President Ferdinand Marcos Jr. nga naka-alerto ang mga ahensya sang gobyerno agud masiguro ang kaluwasan kag seguridad sang mga Pilipino sa rehiyon, samtang padayon ang monitoring sang gobyerno sa tanan nga Pilipino nga yara sa mga pungsod nga apektado sang tensyon.
