Padayon ang aktibidad sang Mayon Volcano matapos mapagkit ang effusive eruption sa ika-55 nga adlaw sini sang Domingo, Marso 1, nga may kadungan nga lava effusion kag strombolian activity, suno sa Philippine Institute of Volcanology and Seismology.
Suno sa mga state volcanologist, ang padayon nga pagbuga sang bulkan nagresulta sa incandescent lava flows, pyroclastic density currents ukon “uson,” kag mga rockfall.
Samtang, nagapabilin sa Alert Level 3 ang Mayon, sa diin hugot nga ginadumilian ang pagsulod sa anum ka kilometro nga Permanent Danger Zone.//Sa pihak nga bahin, ginpahayag nga may lava effusion kag pag-agos sa Basud (3.8 kilometro), Bonga (2.6 kilometro), kag Mi-isi (1.3 kilometro) gullies, kaupod ang minor strombolian activity kag ash emission.
Halin tungang gab-i sang Pebrero 28 tubtob tungang gab-i sang Marso 1, napagkit ang 22 volcanic earthquakes, 310 rockfall events kag pito ka pyroclastic density current signals.
Nakita man ang crater glow samtang nag-abot sa 200 metro ang kahabugon sang plumes nga may katamtaman nga emission.
