Posible nga maatubang sa kaso nga kriminal ang 18 ka nagpakilala nga anay mga sundalo kasunod sang mga alegasyon sang korapsyon batok sa pila ka mga opisyal sang gobyerno.
Suno sa Department of Justice, bukás ang departamento para sa bisan sin-o nga magpasaka sang reklamo batok sa nasambit nga grupo.
Ginbahin ni Justice Spokesperson Atty. Polo Martinez nga mahimo magpasang-at sang reklamo ang mga personalidad nga gin-akusaran kon nagapati sila nga gin guba sila sang amo nga grupo.
Apang ginpunto sang tigpamaba nga indi ini nagakahulugan nga direkta na ini dayon nga maipasaka bilang kaso sa korte.
May proseso pa, suno sa iya, sa pagpasaka sang reklamo sa prosekusyon antes mahimo nga makasuhan ang 18 ka nagpakilala nga anay mga tao ni anay Zaldy Co sang Ako Bicol Party-list.
