Yara sa heightened alert ang Philippine National Police (PNP) kaangot sa gina-lauman nga hublag-protesta samtang ginpatigayon ang pre-trial hearing sang International Criminal Court (ICC) batok kay anay Presidente Rodrigo Duterte.
Suno kay PNP Chief Jose Melencio Nartatez Jr., nakabantay ang mga kapulisan agud siguraduhon ang kaluwasan sang publiko kag proteheran ang mga katungdanan sang mga nagaprotesta.
Ginalauman man ang mga regional units nga magpahamtang sang Civil Disturbance Management teams kag standby ang mga medical responders.
Samtang, napaalinton man si Nartatez sa tanan nga kapulisan nga magpabilin nga propesyonal kag maglikaw sa komprontasyon.
Maga-umpisa sa Lunes, Pebrero 23, umpisahan sang ICC sa The Hague ang apat ka adlaw nga pre-trial hearing agud pagdesisyonan kun insakto ang ebidensya batok kay Duterte kaangot sang mga kaso nga crimes against humanity sa iya kampanya batok sa iligal nga droga.
