Ginpahayag sang Bureau of Immigration nga wala sang ‘travel records’ ang pagguwa sa pungsod sang anay hepe sang Bureau of Corrections nga si Gerald Bantag, ini ang ginkumpirmar ni Immigration Spokesperson Dana Sandoval.
Ginpaathag sang ahensya nga wala pa nakaguwa sa pungsod si anay BuCor Director General Gerald Bantag, samtang padayon ang pagtugis sa iya sang mga awtoridad.
Gina-alegar si Bantag nga ‘mastermind’ sa pagpatay kay mamamahayag Percy Lapid sang Oktubre 2022.
Kasamtangan niya nga ginaatubang ang kaso nga murder sa Regional Trial Court ng Las Piñas, apang temporaryo ini nga na-archive bangud wala pa siya makita.
Magluwas sini, ginpahamtang sang Department of Justice kag Bureau of Immigration nga malakip si Bantag sa ILBO ukon Immigration Lookout Bulletin Order, kag nag-issue sang Hold Departure Order batok sa iya sang Muntinlupa Regional Trial Court sang 2023.
