Ginakwestyon sang Chinese Embassy sa Maynila si PCG spokesperson Commodore Jay Tarriela nga nagabinutig sa iya pahayag nga wala sang barko sang PCG nga nagpalapit sa mga reef kag bahura nga ginadumalaa sang China sa West Philippine Sea (WPS).
Suno kay Chinese Embassy Deputy Spokesperson Guo Wei, indi matuod ang claim ni Tarriela kag malayo sa realidad, base sa mga insidente sang PCG aircraft kag vessels sa Spratly Islands (“Nansha Qundao”), Meiji Jiao (Mischief Reef), Nanxun Jiao, Subi Reef, kag iban pa sa una nga bahin sang 2026.
Ginakwestyon man ang iya pagpanindugan nga China lang ang bahin sang disputed waters, nga ginlantaw sang embahada nga paglapas sa Declaration on the Conduct of Parties (DOC) kag United Nations Convention on the Law of the Sea (UNCLOS).
Ginpunto man sang embahada ang madamo nga attempts sang Philippine personnel nga sakupin ang uninhabited features pareho sang Pag-asa Cay (Sandy Cay) kag Sabinal Shoal (Escoda Shoal), lakip ang iligal nga pagsadsad sa Second Thomas Shoal (Ayungin Shoal).
Samtang, ginpasalig niya nga wala sang PCG vessels nga nagpalapit sa iligal nga gina-okupa nga maritime features sang China sa WPS, luwas kun ginakilala nga teritoryo sang China ang Bajo de Masinloc, Escoda Shoal, Ayungin Shoal, kag Pag-asa Island.
