KORONADAL CITY– Nagresulta sa kamatayon sang isa ka suldado samtang isa naman ang pilason sa nagluntad nga engkwentro sa tunga sang mga myembro sang sang 90th Infantry (Bigkis-Lahi) Battalion kag Dawlah Islamiyah – Hassan Group sa Sitio Bagurot, Barangay Tuayan Mother, Datu Hoffer, Maguindanao del Sur, aga sang Enero 27.
Ini ang ginkumpirmar ni Lt.Col. Ronald Suscano, tigpamaba sang 6ID, Philippine Army sa interview sang Bombo Radyo Koronadal.
Suno kay Suscano, ang napatay nga suldado ang residente sang President Quirino, Sultan Kudarat samtang ang pilason ang taga Libungan, Cotabato province.
Ang engkwentroang natabo matapos maglunsar sang decisive military operations ang tropa sang 90th Infantry (Bigkis-Lahi) Battalion, sa panguna ni Lt. Col. Loqui O. Marco, ang Commanding Officer sang 90IB. Boundary ng Datu Hoffer at Upi, Maguindanao del Sur bangud sa isyu sang land conflict sa ginaagawan nga ancestral domain kun diin sang nagligad nga tuig maya yara sang ginpugutan sang ulo.
Ang sitwasyon kahapon, sa pagresponde sang mga suldado kag nagtabok sa suba, wala na-antisipar nga may kontra na nga nagabangtay kag gilayon gin-unahan ang mga ini gani naigo ang duha ka suldado.
Gani, ginmandu ni Maj. Gen. Jose Vladimir R. Cagara, Commander sang 6th Infantry (Kampilan) Division kag Joint Task Force Central ang padayon nga misyon sang mga suldado batok sa nabilin nga mga miyembro sang Dawlah Islamiyah – Hassan Group.
“Ang wala untat nga operasyon batok sa mga teroristang grupo magapadayon tubtob nga sila mapukan, agud masiguro ang malawig nga kalinong kag seguridad sa mga komunidad sa rehiyon,” pahayag ni Maj. Gen. Cagara.
Samtang, sa ginpatigayon nga clearing operation may mga narekober nga war materials ang mga suldado.
Kaangot sini, ginpasiguro sang opisyal nga kontrolado sa gihapon nila ang area kag wala sang dapat kabalak-an ang mga pumuluyo kung seguridad ang pagaistoryahan.
