Panibag-o nga oil-price hike epektibo subong nga adlaw

Sabay-sabay nga nagpatuman sang pagtaas sang presyo ang mga kumpanya sang gatong, kaina sang alas-6 sang aga ginpatuman ang dugang nga P1.00 sa kada litro sang gasolina.

Samtang, may P2.00 naman nga pagtaas sa kada litro sang diesel kag ang kerosene may pagtaas nga P1.50 sa kada litro.

Ginpahayag sang Department of Energy (DOE) bilang kabangdanan sang pagtaas sang presyo ang padayon nga tensiyon nga ginakaeksperiensyahan sa Iran.

Kabahin man sa mga kabangdanan sang pagtaas sang presyo sang gatong ang pagnubo sang bili sang piso kontra sa US Dollar.