Nakapagkit na sang isa ka fatality ang syudad sang Cabadbaran, Agusan del Norte bangud sa epekto sang Bagyong Ada.
Patay ang isa ka solterito matapos matubanan sang natiphag nga duta sa bahin sang Sitio Pirada, Barangay Del Pilar sa syudad sang Cabadbaran.
Ini bangud sa epekto sang bangud sa epekto sang Bagyong Ada sa Agusan del Norte.
Samtang, natukiban nga indi ginpaidalom sa storm signal ang nasambit nga probinsya, apang apektado na ini sang tatlo ka adlaw nga asod-asod nga pag-bunok sang ulan nga nangin kabangdanan sang paghumok sang duta sa kabukiran nga bahin sang lugar.
Ginpahayag ni Exaure, tagpamaba sang Cabadbaran City government, nga ginpasaka na sa yellow level ang lebel sang tubig sa ila syudad bilang pagpaalinton sa mga pumuluyo nga magpreparar bangud sa padayon nga pagsaka sang tubig-baha, ilabi na sa mga barangay nga malapit sa sapa, yara sa manubo nga lugar, kag mga yara sa landslide prone area.
Samtang, naka-preposition na ang tanan nga ahensya agud maghatag sang bulig kag magtigayon sang rescue operations para sa mga residente nga maapektuhan sang nasambit nga bagyo.
