Nakatala ang Department of Health (DOH) sang kabug-isan nga 28 kaso sang mga napilasan tungod sa palupok sa bug-os nga pungsod sang adlaw sang Paskwa.
Sa advisory nga ginpagwa sang Disyembre 25, ginsiling sang DOH nga walo ka bag-o nga kaso ang natala halin Disyembre 21 tubtob Disyembre 25./
Suno sa datos, 68 porsyento sang mga biktima ang 19-anyos pababa.
Kadamaan sang mga nalukpan naghalin sa mga paluok nga boga, 5-star kag triangle.
Ginhingyo sang DOH ang publiko nga dal-on gilayon sa balay bululngna ang mga biktima nga nalukpan kag magtawag sa National Emergency Hotline nga 911 para sa madali nga bulig medikal.
Apang, ginsiling sang ahensya nga mas manubo pa sang 50 porsyento ang ihibalo sang mga kaso kon ukumparar sa 58 ka firecracker-related injuries nga natala sang nagligad nga tuig sa amo man nga adlaw.
Magapadayon naman ang holiday monitoring sang DOH tubtob Enero 5, 2026, kaupod ang panawagan nga likawan ang paggamit sang agud sa luwas nga selebrasyon sang bag-ong tuig.
