POLOMOLOK, SOUTH COTABATO – Nagpaathag Si Mayor Bernie Palencia sang banwa sang Polomolok South Cotabato nga ang lupok nga nabatian indi halin sa upod nya nga pulis kag wala siya sang bodyguard nga pulis.
Ini may kaangtanan sa nagluntad nga pagpamusil kag pagpangluthang sa isa ka tribu sa Barangay Landan. Polomolok, South Cotabato kung sa diin ang ginaalegar ang pulis suno pa nga nga upod sa sang alkalde ang nagpalupok sang armas kag nakita pa sa video ang pagtaya sang pulis kag asod asod man nga pagpa- lupok.
Madumduman nga sa area may yara sang water treatment facility sang DOLE Philippines (Dolefil) kag madugay na nga may yara sa wala pag-intindihanay sa tunga sang mga IPs nga residente sa nasambit nga area kag sang Dole.
Sa subong, padayon ang ginahimo nga imbestigasyon agud matukiban ang bug-os nga detalye sang insidente, upod na ang pagkilala sang mga nalakip kag ang motibo sa likod sang pagpangluthang.
Ginpasiguro man ni Mayor Palencia nga indi sini luyag nga magpadayon ang tensiyon sa lugar kag magahimo man ini sang solusyon agud nga maresolbar ang problema.
Una diri, naghingyo sang bulig ang tribu kay South Cotabato Governor Reynaldo Tamayo Jr. bangud suno pa nga ginpalukpan sila sang pulis nga ginaaligar bodyguard sang alkalde.
Ang video ang una nga napost sa FB account ni Governor Tamayo nga ginpasiguro nga pagatutokan ang problema.
Kaangot sini, natalana naman nga magsinapol sanday Mayor Palencia kag Governor Tamayo agud istoryahan ang problema sa tunga sang kumbuyuhan nga Dolefil kag mga tribu nga naga-claim sang duta.
