Nagapanindugan si Department of Public Works and Highways (DPWH) Secretary Manuel Bonoan nga updated si Presidente Ferdinand Marcos Jr. sa ila mga ginahimo nga tikang may kaangtanan sa kontrobersyal nga mga flood control projects.
Suno kay Bonoan nga ginaupod pa siya sang presidente sa mga inspeksyon kag permi man siya naga-submit sang report sa iya.Bisan ang mga ginapatuman nga pagpahalin, suspensyon, kag imbestigasyon ginapaabot man sa punong ehekutibo.
Sa subong, napulo ka mga opisyal sang DPWH Bulacan ang ginpahalin sa ila mga posisyon kag ginbutang sa “floating status.”May kaangtanan sini, liwat nga nagpanindugan si Bonoan nga indi siya magbiya sa iya puwesto.
Sa pihak nga bahin, ginpahayag niya nga padayon ang imbestigasyon sa mga iregularidad, partikular sa Bulacan, kun sa diin may mga proyekto nga bayad na pero wala sing aktuwal nga konstruksyon.
Dugang pa sang opisyal, nagapabilin nga buo ang iya pagsalig sa iya mga tawo kag sa kapasidad sang ahensya nga limpiyuhan ang ila hanay.
