Liwat nga nagapanawagan ang Banga Municipal Police Station (PNP) sa mga motorista nga likawan ang pagmaneho ilabi na kung yara sila sa impluwensya sang makahulubog nga ilimnon, kag siguruhon nga maayo ang kondisyon sang ila mga salakyan antes magbiyahe.
Ini ang nangin pahayag ni Police Staff Sergeant Jojimar Nicmic, Traffic Investigator sang Banga PNP, sa interview sang Bombo Radyo Koronadal.
Suno kay Nicmic, kinahanglan nga indi lang ang salakyan ang yara sa maayo nga kondisyon kundi pati man ang driver.
Ini matapos ang tatlo ka asod-asod nga aksidente nga natabo sa sulod lang sang isa ka semana sa banwa sang Banga, South Cotabato.
Suno pa sa iya, kasagaran sa mga aksidente sa lugar amo ang mga self-accident ukon mga human error.
Ini bangud nga masanag naman ang dalanon kag kompleto man ini sang mga early warning devices, upod na ang mga reflectorized nga kagamitan sa mga center island.
Sa liwat nagpanawagan ini sa motorista nga chekyaron ang salakyan antes magbiyahe sa dalanon.
