-- ADVERTISEMENT --
Ginpahayag ni Vice President Sara Duterte nga nabaton niya ang pag-uyon halin sa iya amay nga si anay Presidente Rodrigo Duterte nga magpadalagan sa 2028 nga eleksyon.
Suno sa bise presidente, ini ang isa sa mga gin-istoryahan nila sang ginbisita niya ang iya amay sa detention facility sang International Criminal Court sa The Hague, Netherlands.
Wala man ginpahayag sang bise presidente kon ano nga posisyon ang iya pagadalaganan.
Gindugang pa niya nga ang anay presidente ang una nga magahatag sang suporta kag kontribusyon kon may plano siya nga magpadalagan.
Apang, una na naguwa ang mga balita nga nakahanda ini nga magpapili bilang pangulo sang pungsod.
