Nagbanta si U.S. President Donald Trump nga magaresbak kon maglunsar sang atake ang Iran batok sa Amerika.
” Any retalation by Iran against the United States of Amerika will be met with Force far greater than what was witnessed tonight,” pahayag ni US Pres. Donald Trump.
Ini natabo pagkatapos nga nangin madinalag-on ang operasyon sang U.S. Military sa pagbomba sang tatlo ka nuclear sites sang Iran.Sunod sa pahayag ni Trump, ang nasambit nga operasyon ginakabig nga isa ka makatingala kag madinalag-on nga military success.
Ginpabugal ni Trump nga ang mga pangunahon nga pasilidad sang nuclear enrichment sang Iran totally kag bug-os gid nga nawasak.
Suno pa kay Trump, ang Iran amo ang ginakabig nga bully sa tunga-tunga sang Silangan (Gitnang Silangan), gani panahon na nga mag-abot ang katawhay (kapayapaan).
Dugang pa ni Trump, kon indi gilayon mag-abot ang kapayapaan, ang Amerika magasunod pa sang iban nga mga target nga may kasiguruhan, kabaskug, kag abilidad.
Nagbanta man si Trump nga magahimo sang military action kon indi magpasugot ang Iran sang katawhay upod ang Israel.
