Ginpahayag sang Department of Justice nga posible nga masobra pa sa 100 ka mga sabungero ang nadula, indi lang 34, suno kay Secretary Jesus Crispin Remulla.
Base ini sa testigo nga si alyas ‘Totoy’, nga nagsiling may madamo pa nga biktima kag may mga ginahambalan nga imbolbar nga indi magnubo sa napulo ka tawo sa pagkidnap kag pagpatay.
Ginsiling man ni Remulla nga ginaproseso na nila ang impormasyon halin sa testigo.
Sang ulihi, nagsugid si ‘Totoy’ nga patay na ang 34 ka mga sabungero nga ginapangita.
Tungod sini, gusto sang mga paryente sang mga biktima nga makaistorya kay Remulla, kag nagsiling man siya nga istoryahan niya sila sa husto nga tion.
Sa subong, wala pa sang sigurado kun matuod ang mga ginbuyagyag, apang ginpasalig sang DOJ nga nagapadayon ang ila imbestigasyon sa kaso nga apat na ka tuig na nga wala pa kasolbar.
