Hugot ang direkta ni Philippine National Police (PNP) chief Police General Nicolas Torre III nga iya kakason sa serbisyo ang mga kapulisan nga indi magbawas sang ila kabug-aton.
Ginsiling niya nga pagahatagan niya sang isa ka tuig ang mga kapulisan agud magbawas sang kabug-aton.
Ginsaysay niya ang gina-unod sang Section 30 sang Republic Act No. 6975 ukon ang Department of Interior and Local Government Act of 1990 nga ang kabug-aton indi magsobra sang lima ka kilo sa ila taas.
Sa idalum sang ila balaod, ang mga kapulisan nga nagalapas sa standard nga kabug-aton pagahatagan sang halin sa anum tubtob isa ka tuig agud mabalik sa normal ang ila kabug-aton.
Kung indi gihapon mabawasan ang kabug-aton sang isa ka tuig, didto na sila pagatanggalon sa trabaho.
Samtang ang mga may medically conditions, mahimo sila magbaton sang complete disability discharge ukon pwede man sila ibalhin sa administrative work.
