Patay ang isa ka dalagita samtang pilason ang naman mga ginikanan sini kag yara sa balay-bulolngan pagkatapos gin-atake sang mga putyokan nga nadisturbo sa ila uma sa Barangay Fatima sa New Bataan, Davao de Oro sang aga sang nagligad nga adlaw.
Ginkilala sang mga lokal nga lider kag sang mga empleyado sang New Bataan Municipal Disaster Risk Reduction and Management Office sang Miyerkules ang biktima nga si Monica Cañas, residente sang Barangay Fatima.
Suno sa mga opisyal sang New Bataan Municipal Police Station, nagapang-utod sang matag-as nga hilamon ang amay ni Cañas nga si Emmanuel sa ila uma sang nakabati siya sang mabaskug nga ugong kag nakita ang daku nga pundok sang mga nagalupad nga putyokan (honey bees) nga gilayon nag-atake sa iya kag sa iya asawa kag bata.
Suno sa report sang mga barangay officials, ang menor-de-edad nga si Cañas isa ka espesyal nga bata, ukon may diperensya, gani upod-upod siya sang iya mga ginikanan sa ila gamay nga uma sa Barangay Fatima.
Gindala dayon sang mga barangay officials ang pamilya sa ospital, apang napatay si Cañas bangod sang madamo nga kagat sang putyokan.
Dugang pa sang mga lokal nga opisyal sa New Bataan nga magabulig sila sa paglubong sang kag iban pa nga galastusan sa amo nga talagsaon kag wala ginpaabot nga insidente.
