Nagtalana si President Ferdinand Marcos Jr. sang tatlo ka caretaker sang pungsod samtang yara siya subong sa Malaysia agud magtambong sa 2025 ASEAN Summit.
Suno kay Executive Secretary Lucas Bersamin, tatlo sila nga gintalana bilang mga caretaker, upod sini sila Justice Secretary Boying Remulla kag Agrarian Reform Secretary Conrado Estrella III.
Ini nga mga caretaker may responsabilidad nga magdumala sang mga importante nga buluhaton sang gobyerno samtang wala ang Presidente.
Makaligad nga adlaw, nagbiyahe ang Presidente kaupod ang iya delegasyon pakadtu sa Kuala Lumpur, Malaysia, para sa ASEAN Summit. Wala naman ginbuyagyag kon sin-o nga mga opisyal ang upod ni President Marcos sa amo nga biyahe, kag wala man sang iban pa nga detalye nga ginpahibalo parte sini.
