Ginpahayag ni House Quad Committee Lead Chairperson Robert ‘Ace’ Barbers nga wala nakaapekto sa boto sang mga kandidato sang ‘Alyansa para sa Bagong Pilipinas’ ang impeachment complaint batok kay anay Bise Presidente Sara Duterte.
Ginsentro ni Barbers ang Mindanao votes nga nakuha sang Alyansa candidates kag nagsiling nga ang resulta sang eleksyon mismo ang nagapakita nga indi ini nakaapekto sa ila pagkadaog.
Gin-example niya ang 36 sa 44 ka Mindanao lawmakers nga una nga nagpirma sa impeachment complaint nga tanan liwat napilian, may 81.81% nga win rate.
Suno kay Barbers, kung isa man ini ka political liability, dapat napierde na ang mga ini.
Apang sa baylo, ginbalikan pa sila sang suporta sang mga botante.
Isa man si Barbers sa mga Mindanao congressmen nga nagpirma batok kay VP Sara kag nagsilbi bilang chair sang Quad-Committee nga nag-imbestiga sa isyu sang Duterte drug war, POGOs, Chinese drug smuggling, kag iban pa nga krimen.
