Patay ang ginatudlo nga suspek sa pagtiro-patay sa mag-asawa sa Matalam, Cotabato, matapos magbato sa isa ka operasyon sang mga otoridad sa Purok Waling-Waling, Poblacion, Matalam, Cotabato.
Ginkilala ang suspek nga si Alex Mamitel Mamad, wala asawa, kag residente sang nasambit nga lugar.
Madumduman nga gin-tiro patay mismo ni Mamad si Eliser “Esing” Sugaste, isa ka manunudlo sa Matalam High School, kag ang iya sini nga asawa nga si Lalaine Tejada Valdez Sugaste nga suno pa naga busong, sa ila mismo sini computer shop sa Matalam.
Pagkatapos sang krimen, ginkuha pa sang suspek ang Honda CRF nga motorsiklo sang mag-asawa kag ginpalagyo.
Dugang pa, ma yara suno pa ginapangatubang nga warrant of arrest si Mamad para sa kaso nga Frustrated Homicide nga gin pagwa sang RTC Branch 22 sang Pebrero 27, 2025.
