Ginmanduan ni President Ferdinand Marcos Jr. si Transportation Secretary Vince Dizon nga tun-an na ang ginahingyo nga PUV insurance system para sa mga pribado nga salakyan.
Ini nga pahayag ginpagwa ni Communications Usec Claire Castro kasunod sang panawagan sa Malacañang nga i-adopt ang sini nga sistema, matapos ang mga insidente sang pagbunggu-anay sang mga salakyan nga nagresulta sa kamatayon.
Suno pa sa opisyal, para man ini sa dugang nga proteksyon para sa tanan nga posible nga mabiktima sa dalanon.
Apang, ginpasiguro sang opisyal nga tun-an pa ini sang maayo agud matukiban kon ini bala angay ukon indi sa karon nga panahon.
Sa subong nga PUV Insurance Policy sa idalum sang Passenger Personal Accident Insurance (PPAI), ang bus kag iban pa nga PUV passenger may entitlement nga indi magsobra sa PhP400,000 para sa kada napatay sa road crash kag PhP100,000 sa kada injury.
Para naman sa mga pasahero sang private motor vehicle, may entitlement lamang sila sang maximum nga PhP200,000, nga pagatungaan pa sang mga biktima.
