Isa ka lalaki ang nadiskubrehan nga ginpatay kag gilubong sang iya mismo stepfather matapos nga nareport nga missing sang apat ka adlaw.
Ginkilala ang biktima nga si Armado Malindag, 42 anyos, residente sang nasambit nga lugar nga namissing suno pa sang Marso 16.
Suno sa kapulisan, may dala dala nga duguan nga bayo ang nagreport nga makitaan niya nga ginpatay ang iya utod nga missing.
Ginkilala ang suspek nga si Tudjo Malayon Daluman, 59 anyos, residente man sang lugar, amo ang isa suspek sa pagpamuno-patay.
Sang gin-imbestigaran sang kapulisan, nakita nila si Tudjo kaupod si Orlando Maling, 30 anyos, residente man sang Sitio Datal Pitak, Brgy. Assumption, Siyudad sang Koronadal.
Sa imbestigasyon sang kapulisan, nag-amin si Todio kag Orlando nga kaupod nila ang biktima sa isa ka irimnan antes nagluntad ang komosyon. Suno man sa ila, bangud sa kaakig nahimo nila ang pagpamuno.
Bangud sa kakulba, gilubong nila madason ang lawas sang biktima.
Kag ang duha ka suspek man mismo ang nagtudlo sa kapulisan sang lokasyon sang bangkay kag nagsungka man sang mga instrumento nga gin-gamit sa krimen.
Sa karon, yara na sila sa kustodiya sang kapulisan kag pagasakaan sang kaso nga kaangot sa pagpatay.
Padayon ang panawagan sang otoridad sa publiko nga maghalong kag magbulig sa pagpalinong sang komunidad pinaagi sa pagreport sang mga makaduluda nga mga butang sa palibot.
