Boluntaryo nga ginsungka sang mga concerned citizens ang 17 ka loose firearms sa 40th Infantry (Magiting) Battalion sa bahin sang Barangay Ladtingan, Pikit, Cotabato.
Ang mga ginsungka nga armas ang pormal nga ginpresenta ni Lt. Col. Erwin Jay E. Dumaghan, Battalion Commander sang 40IB, kay Col. Ricky P. Bunayog, Commander sang 602nd Infantry Brigade.
Suno kay Col. Bunayog, ang pagsungka sang nasambit nga armas ang bunga sang ila kampanya batok sa loose firearms sa pamaagi sang law enforcement support operations, kapuod ang nagkalain-lain nga ahensya sang Gobyerno.
Kalakip sa mga ginsungka nga armas luthang ang 4 ka 7.62mm M14 rifle; isa ka 5.56mm Ultimax; duha Cal .45 pistol; duha 5.56mm M16 Elisco rifle; tatlo nga Cal .30 M1 garand; isa ka Cal .30 Carbine; tatlo nga RLL RPG; isa ka 9mm UZI pistol; magluwas pa sa mga bandolyer nga nagaunod sang mga magasin kag bala.
Sa karon padayon nga ginaganyat sang 6ID ang mga indibidwal ukon grupo nga boluntaryo isungka ang ila loose firearms paagi sa Small Arms and Light Weapons (SALW) Management agud malikawan ang paglapta sang mga illegal nga armas luthang sa komunidad.
