Dugang nga benepisyo sa mga dugay na nga miyembro sang PhilHealth, ginaduso sang senado.
Ginaduso ni Senadora Loren Legarda ang layi para maghatag sang dugang nga benepisyo sa mga dugay na nga miyembro sang Philippine Health Insurance Corporation (PhilHealth).
Suno kay Legarda, ang ini nga layi amo ang kilalanon ang mga tapat nga nagabayad sang premium sa sulod sang madugay nga panahon paagi sa PhilHealth Member Recognition Program (PMRP).
Sa idalum sang sini nga programa, yara ang point-based reward system kung sa diin ang mga miyembro nga dugay na nga nagabayad sang premium makabaton sang puntos.
Dugang pa sang senadora, madamo sa mga miyembro ang naghatag sang kontribusyon sa PhilHealth pero kon mag-abot na ang bayad sa ospital, kulang ang benepisyo nga ila mabaton.
Suno pa kay Legarda, kinahanglan mag-innovate ang PhilHealth kag indi na magpabilin sa tradisyunal nga sistema.
Sa karon, ang mga pribado nga health insurance man may yara sang mga loyalty rewards kag flexible spending accounts nga mas makabenepisyo sa mga miyembro.
