Ginpawala ni Senate President Chiz Escudero ang kabalaka sang madamo nga tawo parte sa blanko nga bahin sang bicameral conference committee report sang 2025 nga national spending plan.
Suno kay Escudero, indi dapat magkahadlok ukon magkabala ka ang tanan sa nasambit nga committee report.
Tugot man ini sa bisan ano nga petisyon nga nagakwestyon sa mga layi nga ginapasa sang kongreso.
Ginatumbok diri ni Escudero ang ginpasaka nga petisyon sa Korte Suprema sang Davao Representative Isidro Ungab kag sang anay Executive Secretary Vic Rodriguez.
Dugang pa sang Senate President nga ang amo nga pagkuwestiyon kabahin sang demokrasya nga nagapamatood nga may ara sang mabaskog kag matibay nga demokrasya ang pungsod parte sa bisan ano nga klase sang layi nga ginapasa.
