Richard Gutierrez, gin-aku nga ongoing na ang ila annulment ni Sarah Lahbati

Ongoing na ang annulment process sang anay mag-asawa nga sanday Richard Gutierrez kag Sarah Lahbati.

Nahibaluan, ini ang gin-aku sang aktor kasunod sang iya pag-athag nga indi ang rumored girlfriend nga si Barbie Imperial ang rason sang ila pagbulagay ni Sarah.

Ginpahayag sang aktor sa exclusive interview ni Ogie Diaz sa iya Social Media, nga nagapadayon ang ila proseso sang annulment sang iya estranged wife nga si Sarah.

Madumduman, sang tinalikdan nga bulan sang Marso 2024, ginkumpirmar sang aktres ang ila pagbulagay ni Gutierrez.