Nagpaandam ang Department of Justice (DOJ) sa mga dumuluong nga padayon nga nagatrabaho sa Philippine Offshore Gaming Operations (POGO) companies nga magsungka na sa mga otoridad kon indi ang mga ini gusto nga mabutang sa mga listahan sang blacklisted sang Bureau of Immigration (BI).
Base sa datos sang BI, indi magnubo sa 11,000 ka mga chinese nationals ang padayon nga ginapangita sang mga otoridad bangud sa wala sini pag-abot sa deadline nga gintalana sang ahensya nga dapat paghalin sang mga ini sang Disyembre 31,2024 sa Pilipinas.
Kalakip ang mga ini nga ginpaandaman sang DOJ bangud man sa kapaslawan nga i-downgrade ang ila mga visa kag nagapabilin pa sa pungsod matapos ma-expire ang mga visa nga ila gina-uyatan.
Samtang,padayon naman ang manhunt operations sang BI sa mga ini kag ginakonsiderar sa karon sang DOJ bilang mga ‘illegal aliens.
