Naglab-ot sa 14 nga katawo ang natala nga napatay kasunod sang 7.3-magnitude nga linog nga nag-igo sa Vanuatu kahapon, Dec. 18.
Suno sa local police sang Vanuatu, ginakalakipan ini sang duha ka Chinese kag mga residente.
Magluwas sa mga napatay, masobra 200 katawo nag nareport nga napilasan sa panghitabo.
Tubtob sa karon padayon ang ginahimo nga rescue kag retrieval operation sa mga pasilidad nga natiphag kung sa diin pipila sa mga ini ang na-trap.
Magluwas sa mga commercial establishment, madamo man nga public building ang natiphag kabilang na ang mga embahada, ospital, simbahan, kag madamo pa.
Suno sa National Disaster Management Office sang Vanuatu, madako nga parte sang capital city nga Port Villa ang nadulaan sang suplay sang kuryente, tubig, kag internet connection kasunod sang makusog nga linog.
Madamo namna sa karon nga mga pungsod ang nag commit sang bulig sa Vanuatu.
Nagpadala man ang US sang team nga United States Agency for International Development agud magbulig sa mga rescue kag retrieval ops.
Ang pungsod sang Australia, France, China, kag magin ang United Nations, naghatag naman sang ila sang commitment kasunod sang nasambit nga linog.
