Ginpatay sang Ukraine ang Russian General nga responsable sa paggamit sang mga kemikal nga armas sa mga soldado sang Ukraine.
Ginpasigarbo sang Ukraine ang kamatayon ni Lieutenant General Igor Kirillov nga nagapangulo sang Nuclear, Biological kag Chemical Protection Troops.
Ginbomba sang Ukraine ang iya motorsiklo nga nakaparada sa iya apartment sa Moscow.
Kaupod niya napatay man ang iya assistant.
Naglupok ang bomba samtang pagguwa si Kirillov kag iya assistant sa edipisyo sa banwa sang Ryazansky Prospekt sa Moscow.
Ang 54 anyos nga si Kirillov amo ang pinakamataas nga opisyal sang militar sang Russia nga napatay sa teritoryo sang Russia.
Ginpasalig naman sang Russia nga magabalos sila kag gintawag nila ang nahitabo nga isa ka klase sang terorismo.
