Tigayon na nga napasakaan sang kaso nga rape kag homicide sang pamunuan sang Makilala PNP sa mga suspek nga yara sa likod sa pagpatay kay alyas “Lady”, ang isa ka grade 3 pupil nga nasapwan nga patay sa isa ka maligwin nga lugar sa bahin sang Makilala Cotabato nga ginapatihan nga nangin biktima sang pagpanglugos antes nga gin-utasan sang kabuhi.
Ini ang nangin pahayag ni PLtCol. Rolly Oranza- Hepe sang Makilala PNP sa interview sang Bombo Radyo Koronadal
Suno sa opisyal, may yara na sang 2 ka suspek kag naka sibat pa ang isa ka suspek kag mismo ang pamilya ang nag tudlo sa mga suspek base sa mga nakakakita sang nahitabo ang pagpatay sang Nobyembre 26, 2024.
Madumduman nga ginpahayag sang Makilala PNP nga may mga stab wound sa sa nagkalain-lain nga parte sang lawas ang biktima, sa likod sini kag sa tiil kag ang cause of death sini ang nadulaan sang ginhawa.
Dugang pa nagbanog man ang pribado nga parte sang bata kun sa diin nagapakita lang ini nga ginpwersa ang bata.
Sa karon padayon ang pag hatag sang seguridad sa lugar kag nagapanawagan ini sa mga katawhan nga magin mahalong kag hatagan sang seguridad ang mga kabataan ilabi na sa nahitabo nga pag panglugos kag pangluthang sa isa ka bata sa nasambit nga lugar.
