Nadangat na sa 38,659 ka mga pamilya sa Western Visayas ang apektado sang nag-agi nga Bagyo Kristine.
Sa data sang Regional Disaster Risk Reduction and Management Council (RDRRMC) VI 161,283 ka mga indibidwal ang apektado.
Sa amo nga numero, 1,319 ka mga pamilya ukon 4,633 ka mga indibidwal ang yara sa sulod sang 98 ka evacuation centers kag 951 ka mga pamilya ukon 3,514 ang ginserbehan sa gwa sang evacuation centers.
Sa mga nagub-an sang pamalay, 1,446 ang apektado sa rehiyon.
Samtang, sa halit naman sa agrikultura, ang Negros Occidental pa lang ang may data kun sa diin, 1.69 metric tons nga agricultural product ang nahalitan nga nagabalor sang P38, 916.
Nag-suspend naman sang in-person classes ang 133 ka mga syudad kag banwa sa rehiyon base sa data sang Department of Education.
