KORONADAL CITY – Dead on arival na ang isa ka lalaki nga gindangat sa balay bulungan, sang naigo ini sang bala saiya dughan sa ka kalabaon sang Bagontapay, Mlang Cotabato sini lang aga sang October 20, 2024.
Ginkilala ang mga biktima nga sila Romnick Villaram Reyes, 28 anyos, barbeque vendor nga residente sang Purok Masinulundon, Barangay Bagontapay, Mlang, Cotabato.
Samtang ang mga pilasan ginkilala nga si Rosinda Macailing, 35 kag si Jomer Lumugda Nietes, 35 anyos, nga mga residente sang Brgy. Bagontapay, Mlang, Cotabato gindul-ong ang mga ini sa Mlang District Hospital apang girefer sa Kidapawan Medical Specialist.
Duha ka mga suldado ang napilasan sa pagpangluthang sang ginkilala nga si Gilbert Dasig, 30 toang gulang, residete sang Marbel, Matalam Cotabato kag Rollen Jay Duron, 27 anyos nga residente sang Calandagan Tacurong City, nga mga naka asign sa Army Intelligience Regiment (AIR) nga gindangat sa Mlang Medical Specialist bangod sa igo man ini sa pagpalupok sang suspek.
Suno sa report sang Mlang MPS, gulpi lang nagpalupok sang iya nga pusil si Barangay Kapitan Ivan Roy Macantan kaupod ang tatlo nga kaupod sini nga wala pa sang pagakakilanlan nga mga indibidwal.
Madamo ang tawo nga yara sa oras sang insidente bangod sa selebrasyon sang kapyestahan sa isa ka purok sang nasambit nga Barangay.
Suno kay Kapitan Macantan, Self-defense lang ang iya ginhimo sang iya grupo mahalin sila ginpalukpan sa malapitan.
Narecover halin sa insidente ang isa ka unit sang STI Cal 45 pistol nga may serial number uspsa1294, 7 basyo sang bala kag 6 nga live ammunation sang cal 45 kag 4 nga basyo sang cal 9mm.
Nagtigayon man sang pursuit operation ang mga otoridad sa lugar batok sa grupo sang kapitan apang nakapalagyo ang mga ini.
Sa karon padayon pa ang ginhimo nga imbestigasyon sang mga otoridad anggot sa nasambit nga insidente.
Ginreview man sang kapulisan ang kuha sang CCTV sa lugar kung sa diin nagluntad ang insidente.
