Wala ginsapak sang Office of the President ang mga makahang nga pahayag ni Vice President Sara Duterte sa ginpatigayon nga press briefing sini kahapon sang aga.
Suno kay Presidential Communications Office Secretary Cesar Chavez, indi na magpaguwa sang pahayag ang Palasyo angot sa mga atake ni Vice President Sara Duterte.
Nahibaluan nga lunsay makahang ang mga tinaga nga ginbuy-an sang bise presidente batuk kay Pangulong Bongbong Marcos kag sa pagpamuno sini sa pungsod.
Kalakip diri ang paglaragway niya nga indi makahibalo ang presidente nga nagapungko, yara sa“road to hell” subong ang Pilipinas kag iban pa.
Madumduman nga ginpakigbahin man sang opisyal nga ginpaandaman niya si Senator Imee Marcos sa ila nga group chat nga kun indi pag-untatan sang ila kampo ang paghingabot sa iya pagakutkuton sini angn bangkay ni anay Pangulong Ferdinand Marcos Sr. sa libingan ng mga bayani kag ihaboy sa West Philippine Sea.
Nagbuwelta man ang bise presidente sa “deception” nga ginpahayag sang Pangulo, matapos mapamangkot sa interview sa Lao kun ano ang iya nga balatyagon sa ginpahayag ni VP Sara nga indi sila mag-abyan.
Madumduman nga nabungkag na ang uniteam tandem ni Pangulong Marcos kag VP Sara, matapos mag resign sa gabinete ang Bise Presidente sang bulan sang Hunyo.
