Kangaroo nga nakatakas sa Canada, nanumbag sang pulis

Isa ka kangaroo nga nakatakas sa iya mga handler ang nanumbang sang pulis antes madakpan sa Toronto, Canada.

Suno sa supervisor kag head keeper sang park nga si Cameron Preyde, nakatakas ang babaye nga kangaroo sa mga handler sang tinalikdan nga Huwebes sa isa ka rest stop sa Oshawa Zoo and Fun Farm sa Ontario.

Sa pahayag naman ni Staff Sergeant Chris Boileau, nakita sang mga kapulisan ang kangaroo takna alas-3 sang aga kagapon sang Lunes sa isa ka rural property sa Oshawa.

Matapos sini nakipag-angut sila sa mga handler kag ginhawiran ini sa ikog, angay sa gintundlo sa ila.

Apang, nasumbagan sang kangaroo ang isa ka pulis sa nawong samtang ginadakop ini, dugang pa ni Boileau.