Nagapadayon ang imbestigasyon sang mga otoridad sa nagluntad nga pagpangluthang-patay sa isa ka nagadala (buntis) nga babaye sa siyudad sang Cotabato.
Ginkilala ni Station 2 Commander PCapt. Teofisto Ferrer Jr. ang biktima nga si Jacquelyn Bendijo Petiza, 28-anyos nga residente sang Barangay Macaguiling, Sultan Kudarat, Maguindanao del Norte.
Sadig sa imbestigasyon sang nagalakat ang biktima padulong sa ginadayunan sini sang pag-abot sa bahin sang Melendrez St., Barangay Rosary Heights 10, Cotabato City, ginluthang ini sang wala makilal-an nga suspek.
Naigo ang biktima sa ulo nga gintunaan sang gilayon sini nga kamatayon.
Narekober sa crime scene ang isa ka basiyo sang bala nga ginapatihan nagikan sa Caliber .9mm nga armas nga gingamit sang suspek sa pagpatay sa biktima.
Love triangle naman ang isa sa mga ginalantaw nga motibo sang kapulisan sa pagpatay sa biktima.
Sa karon, ginauyatan na sang kapulisan ang CCTV sa lugar bilang dugang nga ebedensiya agud makilala ang suspek.
Ginpahugtan naman sang kapulisan ang seguridad sa lugar kadungan sang panibag-o nga insidente sang pagpangluthang.
