Nagdangat sa 11 ka mga tawo ang napatay sang natiphag ang illegal gold mine sa West Sumatra sang Indonesia kasunod sang landslide nga resulta sang mabaskog nga ulan, suno sa isa ka opisyal.
Ang small-scale kag illegal mining ang masami nga nagaresulta sa aksidente sa Indonesia kun sa diin, ang mineral resources ang nahamtang sa remote areas kag nabudlayan ang otoridad nga i-regulate.
Sang gab-i sang Septyembre 26, natiphag ang illegal gold mine sa distrito sang Solok. Naglunsyar sang search ang police, military kag local residents para sa mga missing.
Suno kay local search and rescue agency official Abdul Malik, may 25 ka tawo sa minahan sa amo nga tion kun sa diin, 11 ang napatay, 12 ang naka-recover kag duha ang padayon pa nga gina-evacuate.
