Nasabat ng pulisya ang Php 1,000,000.00 halaga ng marijuana at shabu sa naarestong High Value Individual sa isinagawang buy-bust operation ng Alabel Municipal Police Station sa Purok Progressive Barangay Maribulan Alabel, Sarangani Province nito lamang Setyembre 20, 2024.
Kinilala ang suspek na si alyas “Can”, 42 taong gulang, Driver operator, may asawa, at residente ng Purok Progressive Barangay Maribulan, Alabel, Sarangani Province.
Ayon kay Police Lieutenant Colonel Reynaldo Santos Delantein, Hepe ng Alabel Municipal Police Station, bandang 3:15 ng hapon nang maaresto ang suspek ng mga operatiba ng Alabel MPS MDEU kasama ang mga tauhan ng PDEU, SPPO, PDEA XII Regional Enforcement Team (RSET), SPPO PIU, 1st PMFC-Sarangani, RSOG, 1201st MC-RMFB-12.
Narekober mula sa suspek ang Isang pirasong heat-sealed transparent plastic sachet na naglalaman ng puting crystalline substance na hinihinalang Shabu na tumitimbang ng 1 gramo na may tinatayang Standard Drug Price na Php6,800.00, Limang piraso ng hinihinalang dried Marijuana bricks na tumitimbang ng 5 kilos na may tinatayang Standard Drug Price na Php 1,000,000.00, at Isang pirasong Php500 bill na inilagay sa ibabaw ng Walong pirasong 500 boodle money na Php4,500.00 na ginamit bilang buy-bust money.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
