-- ADVERTISEMENT --
Gusto sang World Health Organization nga magka-access dayon ang madamo nga pungsod sa bakuna batok sa mpox.
Ini sunod sa pag-aprubar sang MVA-BN vaccine nga una nga prequalification sang bakuna.
Siling ni WHO chief Tedros Adhanom Ghebreyesus nga ang bakuna nakalabot na sa Democratic Republic of Congo, ang epicenter sang epidemya.
Gindugang niya nga ginahikayat nila ang pagbakal, donasyon, kag pamahagi sang bakuna agod magka-access ang mga pungsod nga nagakinahanglan.
Ang prequalification sang MVA-BN makabulig sa pagpadali sang pag-abot sang mga bakuna batok sa mpox.
Matandaan nga naglab-ot sa 22,000 ka kaso ang naitala sa Congo nga may labaw sa 700 nga napatay.
