-- ADVERTISEMENT --
Nagapati si Justice Secretary Jesus Crispin Remulla nga dapat yara sa kustodiya sang Bureau of Immigration si dismissed Bamban, Tarlac Mayor Alice Guo.
Sa ginpatigayon nga press briefing sang Septyembre 11, ginpahayag ni Remulla nga may immigration case batuk kay Guo.
Nahibaluan man nga isa ini ka Chinese National sa pangalan nga Guo Hua Ping.
Suno kay remulla, kon maayo na ang tanan, pwede na nga makustodiya si Guo sa BI.
Sa oras nga matabo ini, kinahanglan na lamang magpangayo sang BI sang permiso sa DOJ kon dal-on si Guo sa korte.
Dugang pa ni Remulla, si Guo ang may peke nga passport kag ginakonsiderar man ini nga illegal alien nga isa ka dako nga paglapas sa layi.
Magluwas diri, pwede man nga madeport ang anay alkalde sang Bamban.
