Nag-apela ang kapulisan sa Davao sa mga miyembro sang Kingdom of Jesus Christ (KOJC) nga indi magbalabag kag pabay-an nalang ang mga otoridad nga pangitaon sang matawhay si Pastor Apollo Quiboloy.
Nagalaum si Police Regional Office 11 (PRO 11) public information office chief Police Major Catherine dela Rey nga sa mas labing madali nga tion maserbe na nila ang arrest warrant kay Quiboloy nga wala sang mmay magpugong nga myembro sini.
Una na nga nanindugan ang KOJC nga magabantay sila kag magapugong sa mga otoridad nga magaserbe sang panibag-o nga warrant of arrest labi na sa Philippine National Police (PNP) nga magasulod sa sulod sang ila compound.
Madumduman nga nagkinagamo sa tunga sang PNP Criminal Investigation and Detection Group (CIG) kag mga supporters ni Quiboloy sang Hunyo 10 sang maghana nga magserbe sang warrant of arrest kay Quiboloy ang mga ini.
Suno sa mga miyembro sang KOJC nga ang tikang nga ini ang ginahimo agud nga hadlukon kag piliton si Quiboloy nga magsungka.
Madumduman nga nagapangatubang si Quiboloy sang kaso sa idalom sang Section 5(b) of Republic Act 7610 ukon ang Special Protection of Children Against Abuse, Exploitation, and Discrimination Act sa ilalim sang Section 10(a).
