Nagapabilin nga apektado sang pagbaha ang 63 ka mga lugar sa nagkalain-lain nga bahin sang pungsod halin nga magpanalasa ang Supertyphoon Carina nga ginpabaskog sang Hangin nga Habagat.
Suno sa National Disaster Risk Reduction and Management Council (NDRRMC), ang Central Luzon ang nakapagkit sang pinakamadamo nga lugar nga ginbaha nga naglab-ot sa 56.
Ang nabilin nga numero ang napagkit sa tatlo ka iban pa nga rehiyon nga ginalakipan sang Cordillera Administrative Region, kag Northern Mindanao, subong man ang Bangsamoro Autonomous Region in Muslim Mindanao (BARMM) nga anay ginabaha na humalin sang nagpanalasa ang bagyo nga Butchoy.
Suno sa report, ang pila ka mga lugar ang padayon nga nagaeksperiensiya sang baha bangud sa padayon nga pagbuhos sang ulan.
Samtang, naglab-ot naman sa 1,715, 194 families ang napagkit nga apektado.
kasubong ini kadamo sang 6,426,994 nga tawo.
Napagkit ang may pinakamadamo nga numero sa mga biktima sa National Capital Region nga yara sa: 1,000,332 families ukon equivalent sang 3,422,916 katawo.
Sa napulo ka rehiyon naman nakapagkit sang mga serye sang landslide kasunod sang malapanagon nga pagbuhos sang ulan.
Ginalakipan ini sangn Region 1, Region 2, Calabarzon, Region 7, 8, 9, 11, 12, Caraga kag BARMM.
