Atensyon sa mga single!
Huo ikaw nga nagapamati nga ginbayaan,ginpahibi kag subong single na!
Kabalo ka bala nga kun single ka mas dako ang tsansa mo nga makaangkon sang long kag stress- free nga kabuhi.
Didto sa Manhattan,New York may yara sang isa ka tigulang nga nag selebrar sang iya ika 110 nga kaadlawan.
Siya si Loiuse Signore.
Ano ayhan ang sikreto ni Louise sa iya nga long life?
Suno kay Louise, ang isa ka sikreto niya agud maangkon ang stress- free kag malawig nga kabuhi amo nga ginpili niya nga mangin single kag mag- isahanon.
Dugang ni Louise, nangin masadya siya sa mga simple nga bagay nga ginhimo niya kaangay nalang sang pag exercise, kag paghampang sang Bingo kaupod ang iya mga amiga kada tapos niya panyaga.
Suno pa gid kay Louise, isa sa pinakamaayo nga nangin desisyon niya sa iya nga kabuhi amo ang wala sya nagpakasal.
Indi lang si Louise ang naga enjoy sang stress-free long life sa ila nga pamilya kaupod man niya ang iya nga manghod nga masobra 100 years old na man kag ang pagka- single man ang nangin sikreto.
