P2.95M donasyon sang Singapore Red Cross sa mga biktima sang bagyo nga Carina

Nagab-ot sa P2.95 milyon ang naihatag nga donasyon sang Singapore Red Cross para sa mga biktima sang bagyong Carina sa aton pungsod.

Ginkumpirma ini ni House Speaker Martin Romualdez, nga sigurado nga madamo nga mga pumuluyo naton nga naapektuhan sang bagyo ang matulungan sang nasambit nga kantidad.

Ang nasambit nga kantidad ipasa sa Philippine Red Cross, nga amo ang magahatag sang bulig sa mga biktima sang bagyo.

Una nga ini-report sang National Disaster Risk Reduction Management Council (NDRRMC) nga may sobra 3.6 milyong tawo ang naapektuhan sang nasambit nga bagyo.