KORONADAL CITY – Natalana nga magatambong sa igapatigayon nga State of the Nation Address (SONA) ni Pangulong Ferdinand Marcos Jr si South Cotabato Governor Reynaldo Tamayo Jr.
Ini ang ginkumpirmar sang gobernador sa interview sangn Bombo Radyo Koronadal.
Suno kay Governor Tamayo, ginalauman nga igapalayag ni Pangulong Marcos ang mga accomplishement sini ilabi na sa mga ginahimo nga tikang sang administrasyon agud mapalambo ang ekonomiya sang pungsod.
Dugang pa sang gobernador, maayo ang performance sang administrasyong Marcos sa nagkalain-lain nga aspeto ilabi na sa target sini nga mangin maayo ekonomiya kag mabatyagan ini sang mga Pilipino.
Ginalauman man suno pa nga ang mga wala sini mapalayag sa publiko nga nahimo sini ang igalakip niya sa kaundan sang iya nga pamulong-pulong.
Nasuguran na suno pa sang pangulo ang amat-amat nga pagtuman sang mga handum sini para sa pungsod kag nagapati ang gobernador nga makab-ot ini sa nagakaangay nga tion.
Nahibaluan nga hugot nga tagasuporta kag kaalyado sang administrasyon si Governor Tamayo kun diin ini man ang nagatindog nga presidente sang Partido Federal ng Pilipinas (PFP) ang partido sang pangulo sang pungsod.
