Nagsaka pa sa halos isa ka libo ukon 942 ang pamilya ang apektado sang Inter tropical convergence zone o ITCZ sa bahin sang Bangsamoro Autonomous Region in Muslim Mindanao (BARMM) base sa pinak-ulihi nga datos nga ginpaguwa sang Emergency Operations Center ng Bangsamoro Disaster Risk Reduction and Management Office.
Isa ka 2-anyos nga bata nga babaye na ang napatay matapos nga gin-anod sang tubig baha, samatang isa man ang missing kag naglab-ot sa 19 ang pilason.
Bangud sa padayon nga pagbuhos sang ulan nga na-eksperiensiyahan,, gin-activate man ang Blue Alert Status sang EOC kag nakamonitor man 24 oras ang mga Local Disaster Risk Reduction and Management Officer’s (LDRRMOs) kag naka-standby man ang rescue teams Bangsamoro.
Sa karon nagapadayon ang deployment sang mga nagkalai-lain nga team agud mabuligan ang mga nagakinahanglan sa Maguindanao Del Norte.
Magluwas pa sa Quick response Team (QRT), gindugang man sang Bangsamoro region ang mga ICS Trained Local Disaster Risk Reduction kag Management Officers (LDRRMOs) sini agud nga magsuporta sa activated nga na Incident Management Team ng Maguindanao Del Norte.
Ginpanghatagan naman sang inisyal nga bulig ang mga apektado nga pamilya.
